Skandaloze: Pse Bujar Bukoshi nuk mori pjesë në ceremoninë e varrimit të kolonel Ahmet Krasniqit (Video)

largea_kras1458052844

Dëshmi dhe fakte të cilat flasin shumë dhe mbesin mistere të panjohura për vrasjen e ish-Ministrit të Mbrojtjes, kolonel Ahmet Krasniqit, i cili u vra më 21 shtator të vitit 1998.

Gazetari Asllan Bajrami, aktualisht korrespondent i RTK-së në Tiranë, në emisionin “Pa Rrotlla” ka treguar historinë rrënqethëse të një materiali, i cili u cenzurua nga ish-kryeministri Bukoshi. Në atë material në sfond ishte betimi i një brigade të FARK-ut me pjesëmarrjen e ish-ministrit Ahmet Krasniqi.

Gazetari Bajrami ka rrëfyer se si ish-kryeministri i Kosovës, Bukoshi kishte telefonuar atë dhe i kishte kërkuar që të mos e publikonte atë material, pasi që fillimisht ai kishte kërkuar ta shihte vetë materialin. “S’keni dëgjuar dhe s’keni parë asgjë, pra mos transmetoni asgjë”, kishte deklaruar përmes telefonit ish-kryeministri Bukoshi.

Mirëpo, edhe sot e kësaj dite mbetet mister se pse Bujar Bukoshi nuk ishte i pranishëm në varrimin e kolonel Ahmet Krasniqit.

Kolonel Ahmet Krasniqi, u vra në mes të Tiranës, diku në zonën e ish-shtëpisë së Partisë, në 21 shtator të vitit 1998, pak para mesnate.